Plantun de Prouvènço

Pèr coumpara dos planto d'encò nostre

Pachypleurum mutellinoides & Potamogeton pusillus

Pachypleurum mutellinoides

Apiaceae Umbelliferae

Nom en français : Ligustique fausse mutelline.

Descripcioun :
Aquesto planto pas bèn grando trachis dins li pelouso, lis esboudèu aupen e souvènt sus li crestèn. Fai de gros brout (oumbello) blanc, rose o rouginas que caupon de 10 à 15 rai emé de bratèio en fourco (fotò). Li flour an un estilopode blu bèn poulidet. Li fueio penado soun dous à tres cop divisado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 Cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Pachypleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : 1 mm
Flourido : Estiéu

Sòu : Ca
Autour basso e auto : 1500 à 3400 m
Aparado : Noun
Juliet à avoust

Liò : Pelouso aupenco - Crestèn - Roucaio - Esboudèu
Estànci : Subaupen à Aupen
Couroulougi : Bourealo
Ref. sc. : Pachypleurum mutellinoides (Crantz) Holub, 1983 (= Ligusticum mutellinoides (Crantz) Vill., 1779 )

Espigo-d'aigo(-primo)

Potamogeton pusillus

Potamogetonaceae

Autre noum : Poutamot.

Noms en français : Potamot de Palerme, Potamot fluet.

Descripcioun :
Aquesto espigo-d'aigo s'atrobo dins li canau e li mueio mens o mai salado. Fai partido dóu group de poutamot qu'an de fueio longo e primo. Aquéu se recounèis bonodi si guèno d'estipulo que soun pas duberto en plen, e que reston de tèms contro la cambo (mounte i'a ges de ramo que parton) sènso s'escarta.

Usanço :
D'ùnis espigo-d'aigo sarien manjadisso en Asìo.